ისრაელმა „მსოფლიოში პირველი“ დრონის ფრენის ლიცენზია გასცა

High Lander-მა შეიმუშავა Vega-ს უპილოტო ტრაფიკის მართვის (UTM) პლატფორმა, დრონების ავტონომიური საჰაერო მოძრაობის მართვის სისტემა, რომელიც ამტკიცებს და უარყოფს ფრენის გეგმებს პრიორიტეტულობის პროტოკოლების საფუძველზე, საჭიროების შემთხვევაში სთავაზობს ცვლილებებს ფრენის გეგმებში და ოპერატორებს აწვდის შესაბამის რეალურ დროში შეტყობინებებს.

Vega-ს იყენებენ სასწრაფო სამედიცინო დახმარების დრონები, რობოტული საჰაერო უსაფრთხოების სისტემები, მიწოდების ქსელები და სხვა სერვისები, რომლებიც მოქმედებენ საერთო ან გადამკვეთ საჰაერო სივრცეში.

CAAI-მ ცოტა ხნის წინ მიიღო საგანგებო გადაწყვეტილება, რომლის თანახმადაც, დრონებს ისრაელში ფრენა მხოლოდ იმ შემთხვევაში შეუძლიათ, თუ ისინი ოპერატიულ მონაცემებს უწყვეტად გადასცემენ დამტკიცებულ UTM სისტემას. დრონების მიერ გადაცემული მონაცემების გაზიარება მოთხოვნის შემთხვევაში შესაძლებელია დამტკიცებულ ორგანიზაციებთან, როგორიცაა არმია, პოლიცია, დაზვერვის სამსახურები და სხვა ეროვნული უსაფრთხოების ძალები. გადაწყვეტილების გამოქვეყნებიდან რამდენიმე დღეში, High Lander გახდა პირველი კომპანია, რომელმაც მიიღო ლიცენზია „საჰაერო მოძრაობის მართვის ერთეულის“ სახით ოპერირებისთვის. ეს არის პირველი შემთხვევა, როდესაც UTM კავშირი დრონის ფრენის დამტკიცების წინაპირობა გახდა და პირველი შემთხვევა, როდესაც UTM პროვაიდერს მიენიჭა კანონიერი უფლებამოსილება ამ სერვისის მიწოდებისთვის.

High Lander-ის ტექნიკურმა დირექტორმა და თანადამფუძნებელმა იდო იაჰალომიმ განაცხადა: „ჩვენ ძალიან ვამაყობთ, რომ Vega UTM იწყებს იმ მიზნის შესრულებას, რისთვისაც ის შეიქმნა - უპილოტო ავიაციის ეროვნული მასშტაბით მართვისთვის“. პლატფორმის მონიტორინგის, კოორდინაციისა და ინფორმაციის გაზიარების ძლიერი შესაძლებლობები მას იდეალურს ხდის ამ ლიცენზიის პირველი მიმღებისთვის და ჩვენ აღფრთოვანებულები ვართ, რომ მისი შესაძლებლობები აღიარებულია სახელმწიფო ავიაციის მარეგულირებლების მიერ.“